Зайырлылық ұстанымның қызметтері

А.ж 24 маусым күні Атырау қалалық ішкі саясат бөлімінің мемлекеттік тапсырысы аясында «Шапағат» деструктивтік діни ағымдардан  жапа шеккендерге көмек орталығы» қоғамдық қорының ұйымдастыруымен , Дина сауда орталығында орналасқан бөлімшесінде,  Жусан операциясы арқылы Сирия аумағы “ДАИШ” халықаралық террористік ұйымына қосылып, қайта ҚР – на қайтарылған әйелдермен «Зайырлылық ұстанымның қызметтері» тақырыбында кездесу  ұйымдастырылды. Атаулы жиынға арнайы Ақтөбе қаласының «Аңсар» ақпараттық талдау орталығы КММ басшысының  орынбасары, білікті теолог Т.Талдыбаев қатысып, отбасы мүшелеріне тақырып аясында түсіндірме жұмыстарын жүргізді.

Т.Талдыбаев өз сөзінде діннің қоғамды жақсылыққа үндеудегі, ізгілікке шақырудағы рөлін ешкім жоққа шығара ал­майды. Дегенмен қазіргі таң­да біз­дің ұлттық салт-сана­мыз бен заңдарымызға кереғар келе­тін, үйлеспейтін діни көзқарас­тары өмірлік қағидалары мен өл­шем­деріне айналған азаматтардың радикалды бағыттағы талғамсыз талап-тілектері ойландырмай қой­майды. Бұл жағдай мемлекет пен діннің қарым-қатынасын рет­теу­г­е, зайырлылық ұстанымдарын нақ­тылауға, оны терең ұғындыруға сергек қарауды талап етеді. Сон­дай-ақ діннің қоғам өміріндегі ық­палы барынша ескеріле оты­рып, мемлекеттің дін саласына қатыс­ты ұстанымдарының басты ерек­шеліктері қоғамдық санадан берік орын алуы қамтамасыз етілуі тиіс. Мұның барлығы сайып келгенде зайырлы мемлекеттегі діннің ор­нын белгілеуде өте маңызды.Халықаралық қоғамдастық­та зайырлылық ұғымына қатысты түрлі түсінік бар. Бұл өз кезегінде мем­лекет пен дін арасындағы қарым-қатынастың ортақ сипа­тын танытатын нақты үлгінің жоқ­тығын білдірсе керек. Десек те, кейбір елдерде «зайырлы­лық діни мем­лекеттің қарама-қарсы піші­мі» деген мазмұн­дағы ұғым қа­лыптасқан. Осы орай­да «зайырлы» атауын түсіну­де, зайырлы елдің болмысын сөз еткен­де біртекті пікір­дің орнық­пағаны аңғарылады.Негізінде зайырлы мемлекет­тер дінді мемлекеттен бөлу идея­сын ұстанатыны белгілі. Бұл мәсе­леге қатысты сөз қозға­ған­да за­йырлылық қағида­ты бо­йынша діни догманы мемле­кет заңдарынан алыстату көзде­летініне, бірақ дін­ді қоғам­нан бөліп тастау қарас­ты­рыл­май­тынына, оның діни бос­т­ан­дық­ты айқындайтынына мән берілуі тиіс. Дегенмен кей­біреулер зайыр­лылықты атеизм бағыты деп түсінеді. Шын мәнінде атеизм дінге үзілді-кесілді тыйым сал­са, зайырлылық дінді ұстану, ұстан­бауда таңдау құқығын бере­тінін ескерген абзал,- деп сөзін қорытындылады.

Жиын соңында Жусандық отбасы мүшелері өз тағдырымен бөлісіп, көкейіндегі сауалдарына жауап алды.